Sacrosancto et exorabili loco in honore Dei et sanctorum apostolorum Petri et Pauli dicato Cluniensis cœnobii, quod domnus Maiolus regere videtur. Nos igitur Girberga, uxor Evrardi, et Bladinus atque Achardus, vuadiatores ipsius Evrardi, donamus Deo et jam dictis apostolis aliquid ex rebus ipsius, sicut ipse delegavit, pro remedio anime ejus. Sunt autem ipse res sitæ in pago Matisconensi, in villa Leonardi: hoc est mansum cum vinea, qui terminat a mane terra Heldeberti et Isenbranni, a medio die terra Sancti Johannis, a sero via publica, a cercio vinea Sperendei; et faciant rectores ipsius loci a die presenti quicquid facere voluerint. Si quis vero hanc donationem calumniare voluerit, non vindicet quod repetit, sed coactus auri libras duas persolvat; et inantea firma et stabilis permaneat, stipulatione subnixa. Actum Cluniaco publice. S. Girbergæ et Bladini atque Achardi, qui fieri et firmare rogaverunt. S. Stephani. S. Amizonis. S. Aynardi. S. Gundrici. S. Ayrardi. Data mense januario, anno XXXIIII Hlotharii regis. Vuarnerius rogatus scripsit.